Dinahosting

O lugar escollido para albergar o novo lugar de traballo para Dinahosting era un vello ximnasio no barrio das Salvadas en Santiago de Compostela de 800m2 distribuidos en dous andares.

Nunha primeira toma de contacto c@s clientes, xa nos demos conta que non serian unhas oficinas ao uso, unha empresa xoven de gran proxección internacional adicada ás novas tecnoloxías precisaba dun lugar acorde co seu modus operandi, espazos amplos, boa iluminación e materiais de fácil mantemento.

Queriamos dar unha imaxe mais distendida ao ambiente de traballo, que o espazo levara ao diálogo e así impulsar outras dinámicas de traballo, a posibilidade de utilizarmos de contentores industriais, tan apetecíbeis estetica como conceptualmente ao mesmo tempo robustos para un alto tránsito, marcou definitivamente o carácter do espazo.

Os 400m2 de cada andar distribuímolos adicando a planta baixa para oficinas e o soto a usos sociais da empresa: sala de reunións, auditorio e cafetaría e sala de exposicións.

Nun primeiro momento pensamos en reciclar antigos contentores industriais. Pero, dada a distribución de soportes, abrir a fachada para introducilos, os custos da viaxe… optamos por construílos in situ, o cal ofreceu a posiblidade de utilizar a chapa ondulada como paramento en determinadas zonas, o espazo de oficina funciona como un almacén industrial, con unha zona de contedores amoreados que albergan despachos privados e outra zona más diáfana adicada a soporte telefónico, recepción e zonas de transito.

As características estructurais do local presentaban unha disposición de piares centrais desaliñados que dificultaba una disposición reticular dos novos espazos, de aí a disposición oblicua dos elementos, xerando así recorridos mais suxerentes.

A recepción concibiuse como un módulo exento e de liñas suaves que contrasta con la dureza y austeridade do resto dos materiais, unha complexa construción en Pladur lacada en branco e no laranxa corporativo da empresa.

Isto todo deu como resultado un espazo cun deseño potente.

  • proxecto reforma local oficinas 800 m2, ano 2009
  • localización Compostela
  • deseño Antonia Maio - Javier Quinteiro
  • coordinación obra Antonia Maio