Transformar a sede de Esquerda Unida foi o encargo que nos fixeron dende este partido, que ten o seu local situado no barrio compostelán de Fontiñas.
O local presentaba unha estética desfasada con espazos descompensados polo que non cumpría a súa función.
Plantexamos unha nova distribución dos espazos, onde as traballadoras se sentisen máis cómodas e tamén facilitase os diferentes usos, roldas de prensa , reunións…
Deseñouse na entrada un espazo de espera, reunión e relaxamento con un expositor para o material corporativo e un panel informativo das actividades da organización, este punto de encontro enlaza con un corredor que serve de eixe para a distribución das diferentes oficinas e salas; unha delas, a de maior tamaño conta con un sistema de portas deslizantes que permiten dividir o espazo, tendo maior flexibilidade e aproveitamento dependendo do número de persoas que se xunten; esta dependencia tamén serve para organizar as roldas de prensa do partido.
As paredes que conforman o bloque central do local foron pintadas nunha tonalidade escura para crear unha sensación de continuidade espacial e mimetizar as portas de acceso.
Estudiouse a iluminación precisa para cada espazo: a sala de prensa leva un tratamento especial; nos despachos de administración a iluminación é máis técnica para uso de oficina e nos espazos comúns utilizouse unha iluminación máis ambiental, ésta vai pintada da cor vermella que representa o partido.
O resultado foi un ambiente actual e de equipo que está moi presente neste proxecto.
