Pequeno apartamento

Pódese vivir con comodidade en pequenos apartamentos. Aquí adaptámolos ás necesidades e estilo de vida dunha muller actual.

Un orzamento moi limitado foi a condición principal que colocou a clienta para reformar este apartamento de 45 m² que quedara moi desactualizado e pouco práctico. O obxectivo era simple: sentirse a gusto na casa, vivir ben en poucos metros.

a solución

Ao facer o proxecto da reforma deste apartamento cun orzamento moi limitado pensouse sobre todo en adaptalo ás necesidades da persoa que ía facer uso del. Eliminouse, así, algún tabique e elementos antigos, mantivéronse outros como os móbeis e electrodomésticos baixo o mesado da cociña, e interviñeronse outros como as portas e o pavimento.

O espazo consta de 45 m² distribuídos en zona de estar con cociña integrada, dormitorio, estudo e baño.

Para dar a sensación de amplitude e para integrar os espazos utilizouse como cor dominante o branco, permitindo destacar o gris e o fucsia que conforman a composición e fan a estancia máis luminosa.

Elimináronse móbeis prescindíbeis para que o espazo ficara máis despexado e deseñáronse elementos como o moble suspendido da cociña que se pintou da mesma cor que a porta corredoira da entrada.

Tamén se utilizou algún clásico do mobiliario de deseño como a estanteria Metro, a cadeira de Eames fabricada por Vitra e a Lámpada Tolomeo de Artemide.

Falemos do teu proxecto

Se estás a pensar en transformar o lugar onde vives ou traballas ou a maneira de presentar o teu produto ou servizo, asesórate connosco.

Clic para ampliar

Fotografías: Santos-Díez

Falemos do teu proxecto

Se estás a pensar en transformar o lugar onde vives ou traballas ou a maneira de presentar o teu produto ou servizo, asesórate connosco.

Sempre que alguén me pregunta se coñezo alguén para facer un deseño e unha reforma non dúbido en recomendar O Antidoto. Antonia acompañoume nun primeiro momento a mercar a vivenda para reformar, entre as dúas fixemos unha valoración e decidimos entre varias cal se adaptaba mellor ao meu orzamento e as miñas necesidades, foi unha reforma completa. Ela encargouse de todo, presentoume un proxecto feito con tanto detalle e tan realista que eu vin perfectamente como era a miña casa moito antes de entrar nela. Entendeu perfectamente o que eu quería. Se teño que destacar algo dela é o profesinal que é e a confianza que transmite. Eu estou encantada co resultado, vivo nunha casa estupenda. Por iso, en todo que ten que ver con deseño de interiores ou cunha reforma, contacta co Antídoto.

Toña coñece moi ben o que fai. Con nos implicouse 100% no proxecto, adicoulle moito tempo a cada detalle, e fixo que as nosas expectativas se cumprisen de sobra. A nosa foi unha reforma total, complexa, ela conseguiu plasmar dende o principio o que nos queríamos. Deixamos todo nas suas mans e levou o proxecto e a obra de forma excelente ata o final, conseguindo un resultado incríbel. Estamos felices coa reforma.

Ao traballar con Antonia para facer a reforma do noso local, atopámonos cunha persoa totalmente comprometida co seu traballo, creativa e inconformista, que o deu todo para que o proxecto e a reforma saíran ben. Sempre estivo disposta para solucionar calquera problema que xurdira ao longo da obra, disposta a mellorar, aportando ideas que nos levaron moitas veces a discutir ata chegar á mellor solución. O resultado foi totalmente satisfactorio a nivel estético e funcional. Para nos era moi importante o orzamento e non se desfasou nada do acordado nun principio. Faite un favor e traballa con ela mentres poidas.

Fixemos unha obra hai pouco nun piso na Costa do Veedor. A obra quedou realmente moi ben. O que me gustou do Antídoto é que entenden rapidamente o que quero, aportando as súas ideas, que sempre son para mellorar dentro do que xa se espera da reforma. E tamén que son o nexo de comunicación coas persoas que traballan na obra e calquera cousa que se lles di arránxana inmediatamente. Supón un aforro inmenso de tempo, porque estas cuestións das que se hai que ocupar nunha obra xa as facían elas, pasando varias veces á semana ou mesmo ao día, para revisar o que se estaba a facer. O resultado é magnífico. Foi unha marabilla e repetiría sen dúbida porque, realmente, vese a profesionalidade, o bo trato e un prezo moi asequible.

Con Toña ao teu lado sabes que podes afrontar unha reforma con total seguridade. No meu fogar demostrou unha tremenda capacidade para adaptarse a uns espazos e circunstancias a priori complicados. Toña preocupouse dende o primeiro momento por todas as miñas inquietudes, plantexou respostas as miñas dúbidas e implicouse ao máximo no meu proxecto. Soubo lidiar cun cliente moi esixente e meticuloso. O que máis confianza me deu, foi a súa capacidade de plasmar as miñas necesidades e gustos nun diseño. Transformou os espazos limitados e maximizou os recursos sen detrimento da funcionalidade dos mesos. Por último, cabe destacar o seu gusto esquisito a hora de escoller materiais e as calidades, o cal queda patente no resultado final. Con Toña ao teu lado, contas cunha persoa que ainda respetando os teus gustos, vaiche ofrecer sempre alternativas e a súa opinión como profesional.

Pequeno apartamento

a solución

Falemos do teu proxecto

Falemos do teu proxecto

Rúa Galeras 13, baixo 5 | 15705 Compostela | 629 756 597 | contacto@oantidoto.com

Contacto rápido