foi o deseño dunha lixeira estrutura metálica con paneis como cerramento dos espazos, usando portas corredoiras para non alterar a estrutura orixinal, e usando unha combinación de branco e negro de alto impacto que reforzase, ao mesmo tempo, o lado contemporáneo da balanza.
No andar inferior, a cociña ocupa a maioría do espazo, abríndose ao resto da casa e ao espazo polivalente que serve de distribuidor, cunha escaleira que conecta ambos os niveis da casa. A chapa metálica lacada en branco reforza a idea de continuidade co microcemento branco do pavimento da cociña e todo ese andar baixo.
Os baños (un por andar) están deseñados a partir dos mesmos compoñentes básicos de azulexaría e mobiliario.
Por último, unha iluminación suave e indirecta resalta a estrutura de madeira existente baixo a cuberta e reforza a personalidade que esta dá ao conxunto no andar superior.
O resultado é unha obra a cabalo entre a arquitectura tradicional e as novas formas, capaz de resultar acolledora para traballar, realizar as tarefas diarias dunha familia, relaxarse ou, simplemente, xogar.
